Тений идалык мучаш марте аварийный пӧртла гыч тӱжем утла еҥым кусарыме лиеш
Тений идалык мучаш марте аварийный пӧртла гыч тӱжем утла еҥым кусарыме лиеш. Теҥгече Марий Элым вуйлатыше Юрий Зайцев Российыште регионлам вияҥдыме шотышто Правительство комиссий Президиумын заседанийыштыже лийын. Тудым видеоконференций йӧн дене Россий Правительстве вуйлатышын алмаштышыже Марат Хуснуллин эртарен. Совещанийыште калыкле да федерал проектлам регионлаште кузе шыҥдарыме йодышым каҥашеныт. Марий Элым вуйлатыше увертарен: республикыште 12 калыкле проектыш пурышо регионысо 47 проект илышаш шыҥдаралтеш. 2024-ше ийлан лимит шотышто контрактым пеҥгыдемдыме паша шукталтеш. Таче кечылан палемдыме шийвундын 67 процентшылан контрактым ыштыме. Корно дене кылдалтше калыкле проект шотышто 2024-ше ийыште шыҥдарышаш объектла шотышто 70 процентшылан контрактым ыштыме. Тений калыкле проект кышкарыште 38 капитально чоҥымо объектыште паша шукталтеш, тушечын 23 объектшым тений пашаш колтышаш улыт. Палемдыме оксам тичмаш кучылтмо лиеш. Идалык мучаш марте 13 шуко пачеран пӧртыш тӱжемат 117 еҥым илаш йӧрыдымӧ пӧртла гыч кусарыме лиеш. «Аналитика» федерал системын ончыктымыжо почеш калыкле проектлам шуктымо дене Марий Эл Российысе регион- влак коклаште 24-ше верым налеш, оксам кучылтмо дене кумшо верыш лектын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
