Шкетан театрын актрисыже Тӱҥямбал фестивальыште сеҥыше- влак радамыш пурен

Шкетан театрын актрисыже Тӱҥямбал фестивальыште сеҥыше- влак радамыш пурен
             Шкетан театрын актрисыже Чувашийыште Тӱҥямбал фестивальыште сеҥыше- влак радамыш пурен. Чебоксарыште актриса Вера Кузьмина лӱмеш калыкле театр- влакын «Ласточка» икымше Тӱнямбал фестивальышт эртен. Тушто Шкетан лӱмеш марий калыкле драма театрын артистше- влакат мастарлыкыштым ончыктеныт. Иванов лӱмеш Чуваш драма театрын сценыштыже нуно «Китай кува» спектакльым модын ончыктеныт. Фестивальын жюриже спектакльым да поснак актёр- влакын модмыштым кӱкшын аклен. Теве «Кокымшо планан эн сай ӱдырамаш роль» номинацийыште сеҥышыш Марий Элын калык артисткыже Антонина Антонова лектын. Мемнан театр деч посна фестивальыште калыкле йылман профессионал театр- влак Башкортостан, Татарстан, Калмыкий, Крым, Азербайджан гыч лийыныт.
        Фото: Шкетан театр.

Прошлые выпуски