Марий Элым вуйлатыше чодыра пожар дене кучедалаш ешартыш оксам ойырен
Марий Элым вуйлатыше чодыра пожар дене кучедалаш ешартыш оксам ойырен. Юрий Зайцевын кӱтымыжӧ почеш чодыра тулым йӧртышӧ формирований- влаклан кӱлеш ӱзгар ден оборудованийым налме лиеш: мотопомпым, пожар рукавам, радиокыл ӱзгарым. Тул пижме лӱдыкшӧ тургым эртыме дене кылдалтше йодыш- влакым Марий Элым вуйлатышын эртарыме совещанийыште каҥашыме. Вуйлатыше палемден: кызыт икмыняр кундем тул дене кучедалеш. Сандене Марий Элыштат тул пижме марте шукташ ок кӱл. Профилактике мерым пеҥгыдемдаш, экологий обстановкым эре контрольышто кучаш кӱлеш. Чодыраште тул ваштареш кучедалше чыла формирований тӱрлӧ вучыдымо ситуацийлан ямде лийшаш, тул пижме лӱдыкшым чот иземдыман.
Правительствым вуйлатышын алмаштышыже Степан Воронцов палемден: республикыште тул ваштареш шогымо посна режим пашам ышта, еҥ- влаклан да транспортлан чодыраш пураш чарыме. Верысе самоуправлений орган- влак ранец шотан огнетушительым налыныт, тул ваштареш кучедалаш штатдыме формирований- влакым чумырымо, йӧртымӧ верыш калыкым намияш транспортым ямдылыме, вӱдым шупшыктышо технике уло, Кугыжаныш пожар службо виктемын личный составше пеҥгыдемдыме режимыш куснен, вуйын шогышо- влаклан дежурствым палемдыме.
Пӱртӱс поянлык министр Алексей Киселёв чодыра пожарым йӧртышӧ формирований- влакын ямде улмышт нерген ойлен. Чодыраште эре патрулирований пашам ышта, профилактике мероприятий- влак эртаралтыт, калыкым увер дене паламым ыштыме пашам вияҥден колтымо. Республикым вуйлатыше пуртымо чыла чарымашым шуктымым пеҥгыдын терген шогаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
Правительствым вуйлатышын алмаштышыже Степан Воронцов палемден: республикыште тул ваштареш шогымо посна режим пашам ышта, еҥ- влаклан да транспортлан чодыраш пураш чарыме. Верысе самоуправлений орган- влак ранец шотан огнетушительым налыныт, тул ваштареш кучедалаш штатдыме формирований- влакым чумырымо, йӧртымӧ верыш калыкым намияш транспортым ямдылыме, вӱдым шупшыктышо технике уло, Кугыжаныш пожар службо виктемын личный составше пеҥгыдемдыме режимыш куснен, вуйын шогышо- влаклан дежурствым палемдыме.
Пӱртӱс поянлык министр Алексей Киселёв чодыра пожарым йӧртышӧ формирований- влакын ямде улмышт нерген ойлен. Чодыраште эре патрулирований пашам ышта, профилактике мероприятий- влак эртаралтыт, калыкым увер дене паламым ыштыме пашам вияҥден колтымо. Республикым вуйлатыше пуртымо чыла чарымашым шуктымым пеҥгыдын терген шогаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
