«Финн-угор калык- влакын поянлыкышт» луымшо Тӱнямбал финн-угор студент форум лиеш

«Финн-угор калык- влакын поянлыкышт» луымшо Тӱнямбал финн-угор студент форум лиеш
              Марий Элыште «Финн-угор калык- влакын поянлыкышт» луымшо Тӱнямбал финн-угор студент форум лиеш. Туныктышын да наставникын идалыкшылан пӧлеклалтше лӱмгече форум 17-ше- 18-ше майыште Марий Кугыжаныш университетыште лиеш. Ынде лу ий Марий Эл республике да тудын опорный университетше элысе тӱрлӧ кундем да моло элла гыч калыкле тӱвырам вияҥдаш шонышо студент- влакым ушен шога. Эртарыме тиде жапыште  7 эл да Российысе 30 утла кундем гыч кок тӱжем утла еҥ форумышто участвоватлен. Лу ий ончыч форум финн-угор университет- влакын ассоциацийышкышт пурышо вузлан студентыштлан дискуссий да демонстарций площадкыш савырнен да финн-угор университет- влакын студентыштын ассоциацийыштым ыштыме нерген увертарен. Тудыжо  социал, шанче да тӱвыра проект- влакым пырля шыҥдараш вузлаште студент толкыным чолгаракым ышташ виктаралтын. Лӱмгече форум финн-угор университет- влак ассоциацийысе вузлан, Юл кундем округысо вузлан, тӱшка да кыдалаш профобразований организацийлан, калык тӱвыра рӱдерлан делегатыштым иктеш уша. Форум Марий Элысе калык- влакын Келшымаш пӧртыштым торжественно почмылан пӧлеклалтеш. Тушто Марий Элым вуйлатыше Юрий Зайцев участвоватла. Марий Эл шуко тӱрлӧ калыкан да конфессиян республике. Тыште тӱрлӧ этносыш пурышо еҥ- влак келшен илат. Марий Кугыжаныш университетыште гына 47 эл гыч кок тӱжемат 700 утла йотэл студент тунемеш. Йошкар-Олан ойыртемалтше экосистемыжлан кӧра МарГУ-н партнёржо- влак тудым чынжымак Российын Тӱнямбал студент рӱдӧ олажлан шотлат.
           Фото: Форумын архивше.

Прошлые выпуски