Йошкар-Олаште «Кугу Юл» ончер проект почылтеш

Йошкар-Олаште «Кугу Юл» ончер проект почылтеш
             Йошкар-Олаште «Кугу Юл» ончер проект почылтеш. Тудо «Тӱвыра» калыкле проект  кышкарыште ончыкталтеш. Регион- влак кокласе кӱкшытан «Кугу Юл. Юл кундемысе калыкын тӱвыра кодшо» сӱрет выставке 17-ше майыште икмыняр тӱвыра рӱдер негызеш почылтеш. Тушто Юл кундем округысо 14 область ден республикысе сӱретче- влакын пашашт ончыкталтеш. Тӱвыра министерствын ончыктымжо почеш выставке 500 утла авторым уша да 800 утла живопись да графике, скульптуро да кид-паша сымыктыш пашам ончаш йӧным пуа. Экспозиций- влак вич площадкыште вераҥдалтыт: Марий Элысе калык- влакын Келшымаш пӧртыштышт, Тӱссымыктыш тоштерыште, калыкле сӱрет галерейыште, Евсеев лӱмеш калыкле тоштерыште, Чавайн лӱмеш калыкле книгагудышто. Тушто пытартыш вич ий жапыште ыштыме паша- влак ончыкталтыт. «Кугу Юл» выставке элна мучко вич ийлан ик гана эртаралтеш. Йошкар-Олаште тудо икымше гана 2013-шо ийын икымше ноябрьыште почылтын.
           Фото: Россий сӱретче- влак ушем.

Прошлые выпуски