Йошкар-Ола воктене Сеҥымашлан 75 темме лумеш бульварым июльлан мучашлаш шонат
Йошкар-Ола воктене Сеҥымашлан 75 темме лумеш бульварым июльлан мучашлаш шонат. Тиде Медведево районын райрӱдыжӧ воктене «Ясная Поляна» илыме комплексыште ойыртемалтше бульвар нерген ойлалтеш Тидын нерген район администрацийым вуйлатыше Денис Окулов ЦУР площадкыште вияш эфирыште ойлен. 355 метр кужытан бульварым 2022-шо ий майыште чоҥаш тӱҥалме. Контрактын акше 300 миллион наре теҥгеш шуын. Тушто волгалтарыман велокорно, каныме площадке, ужалкалыме вер, спорт, йоча модмо площадке, парковко, кушкыл- влак лийшаш улыт. Ятыр мотор скульптурым вераҥдат.
Куяр посёлкышто илыше- влакланат сай увер йоҥген. Тушто йӱшаш вӱдын начар улмыжо нерген ойлат. Но шукынжо тудым тӧрлаш ок лий манын ойленыт. Туге гынат, тошто карте- влакым кычал мумо, келшыше ужашым рашемдыме да скважиным шӱтымӧ. Пробо ончыктен: тыште йодмашлан келшен толшо вӱд уло. Федерал программыш ушнымо, контрактым ыштыме, 30 процент пашам шуктымо. У ийлан посёлкышто илыше- влак чапле вӱд дене пайдаланаш тӱҥалыт.
Район икымше гана рейтинг йӱклымашке ушнен. Тушто Медведевысе Советский ден Жилин уремлаште тротуарым олмыкташ проект сеҥышыш лектын. Тений проект почеш Некрасов уремым олмыктымо, Мир ден Полевой уремым олмыкташ подрядчикым рашемдат. Вес ийын эн кугу Медведево уремым олмыкташ палемдыме. Тений Руэм школын у корпусшым чоҥаш тӱҥалме. Медведевысе «Ясная Поляна» микрорайонышто тӱжемат 100 верлан школым чоҥаш проект да смете документацийым ямдылыме. Руэмысе школын тошто корпусым , Кузнецово, Медведевысе кокымшо, Арбан, Сурок, Ежово школлам вес ийын олмыкташ документацийым ямдылыме. Денис Окулов моло йодышланат вашештен.
Куяр посёлкышто илыше- влакланат сай увер йоҥген. Тушто йӱшаш вӱдын начар улмыжо нерген ойлат. Но шукынжо тудым тӧрлаш ок лий манын ойленыт. Туге гынат, тошто карте- влакым кычал мумо, келшыше ужашым рашемдыме да скважиным шӱтымӧ. Пробо ончыктен: тыште йодмашлан келшен толшо вӱд уло. Федерал программыш ушнымо, контрактым ыштыме, 30 процент пашам шуктымо. У ийлан посёлкышто илыше- влак чапле вӱд дене пайдаланаш тӱҥалыт.
Район икымше гана рейтинг йӱклымашке ушнен. Тушто Медведевысе Советский ден Жилин уремлаште тротуарым олмыкташ проект сеҥышыш лектын. Тений проект почеш Некрасов уремым олмыктымо, Мир ден Полевой уремым олмыкташ подрядчикым рашемдат. Вес ийын эн кугу Медведево уремым олмыкташ палемдыме. Тений Руэм школын у корпусшым чоҥаш тӱҥалме. Медведевысе «Ясная Поляна» микрорайонышто тӱжемат 100 верлан школым чоҥаш проект да смете документацийым ямдылыме. Руэмысе школын тошто корпусым , Кузнецово, Медведевысе кокымшо, Арбан, Сурок, Ежово школлам вес ийын олмыкташ документацийым ямдылыме. Денис Окулов моло йодышланат вашештен.
