Йошкар-Олаште калыкле проектым шыҥдарыме годым подрядчик- влак чыла вере графикым огыт эскере
Йошкар-Олаште калыкле проектым шыҥдарыме годым подрядчик- влак чыла вере графикым огыт эскере. Рӱдоласе вич объектыште «Оласе йӧнан кумдыкым ыштымаш» проект умбакыже шыҥдаралтеш. Иктыштыже- Киров уремысе йолын коштмо верыште пашам мучашлыме манаш лиеш. Кызыт тыгыде ситыдымаш- влакым кораҥдат. Мэрын икымше алмаштышыже Лев Покровскийын мутшо почеш контракт почеш пашам жапыштыже приниматлыме лиеш. Россий Армийын Тӱвыра полатше воктене скверым умбакыже тӱзландарат. Пашам 31-ше июльышто мучашлышаш улыт. Моло объектыштыже план-график почеш пашам ыштыме шотышто нелылык лектын. Нине объектлаште подрядчик- влак пошкудо кундемла гыч улыт. Ола администраций прокуратура дене пырля тиде йодышым контрольышто куча, подрядчик дене вашлиймаш- влак чучкыдын эртат, нуным жапыштыже пашам шукташ ӱжыт да калыкле проектым шыҥдарымым кӱрылмашке шуктымо деч шкеланаш кӱштат, -каласен Лев Покровский.
Фото: Йошкар-Ола администраций.
Фото: Йошкар-Ола администраций.
