Таче да эрла Башкортостаныште Марий тӱвыра кече- влак эртат
Таче да эрла Башкортостаныште Марий тӱвыра кече- влак эртат, - увертара Российысе марий- влакын федерал калыкле-тӱвыра автономийышт. Таче Марий историй да тӱвыра рӱдерыште Российын сулло сӱретчыже Иван Ямбердовын «Мишкан онча» выставкыже почылтын, «Калыкле- тӱвыра автономий- влакын йӱлам, шӱм-чон поянлыкым арален кодымаште рольжо» теме дене йыргешке ӱстел лийшаш, сӱретлымаш, калык куштымаш да мурымаш дене мастар-класс эрта, сылнымут унагудо, пошкырт велысе савыктышлан журналистыштлан семинар эртаралтыт.
А 24-ше июньышто Калтаса селаште «Ший кандыра» калык куштымашын регион- влак кокласе кӱкшытан 9-ше фестиваль-конкурсышт лиеш. Тушко Татарстан, Марий Эл, Удмуртий, Свердлов область гыч коллектив- влак, Пошкырт велысе район да олала гыч 25 коллектив да куд мастар толыт. Туддеч вара Мишкан районысо Чорай да Монар яллаште артист, мер пашаеҥ- влак дене усталык вашлиймаш лийшаш. Марий тӱвыра кече Мишкан районысо Арзамат ялыште концерт дене мучашлалтеш.
А 24-ше июньышто Калтаса селаште «Ший кандыра» калык куштымашын регион- влак кокласе кӱкшытан 9-ше фестиваль-конкурсышт лиеш. Тушко Татарстан, Марий Эл, Удмуртий, Свердлов область гыч коллектив- влак, Пошкырт велысе район да олала гыч 25 коллектив да куд мастар толыт. Туддеч вара Мишкан районысо Чорай да Монар яллаште артист, мер пашаеҥ- влак дене усталык вашлиймаш лийшаш. Марий тӱвыра кече Мишкан районысо Арзамат ялыште концерт дене мучашлалтеш.
