«Качестван лӱдыкшыдымӧ корно» проектым шыҥдарыме дене Марий Эл регион- влак коклаште визымше верым айла
«Качестван лӱдыкшыдымӧ корно» калыкле проектым шыҥдарыме дене Марий Эл Российысе регион- влак коклаште визымше верым айла. Пашам чолган ыштымаш да тӱрлӧ велым тергымаш республикылан калыкле проект кышкарыште палемдыме пашам сай качестве дене да графикым ончылтен шукташ полша. Тений Марий Эл автокорным норматив марте шуктымо дене 40 утла процент показательыш шуэш, план почеш 35 процент лийшаш ыле. Тений гына корно ден кӱварым чоҥаш да кучаш 8 миллиардат 400 миллион теҥге ойыралтеш. Марий Элым вуйлатыше корно отрасльыш пурышо предприятийлаш миен. Тудо инертный материал ден асфальтобетон вартышым тергыме лабораторийыште лийын, «Марийскавтодорын» куснылшо лабораторийжым ончен. Дорожный посёлкышто Тудо «Марийскавтодор» акционер ушемыш да «ДробТехМаш» предприятийыш миен. Юрий Зайцевлан технике ден оборудованийым очыктеныт, паша, технологий, импортым алмаштыме нерген ойленыт. Тыгак «Марий Эл Дорстрой» ушемын паша куатшым аклен, «Мостремстройыш» миен. Глава палемден: республикыштына корно пашам утларакше верысе предприятий- влак шуктат. Ме шке заказчик, шкеак пашам шуктышо да шкеак тергыше улына, - каласен тудо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
