Россий Президентын Юл кундем федерал округышто полномочный представительже Игорь Комаров калыклан приёмым эртарен
Россий Президентын Юл кундем федерал округышто полномочный представительже Игорь Комаров калыклан приёмым эртарен. Видеоконференций йӧн дене тудо Марий Эл ден Удмурт республикыла, Пенза ден Оренбург областьла гыч еҥ- влакын обращенийыштым ончен лектын. Теве Марий Эл гыч ӱдырамаш Элнан Президентше деке У Торъял районысо «Маркелов ял деке корно» автомобиль корнын ужашыжым олмыкташ полшаш йодын. Тушто асфальт шартышыже чот лунчырген, транспорт писын кудал ок керт,- возен ӱдырамаш. Марий Элым вуйлатыше Юрий Зайцев увертарен: корным шушаш ийын олмыкташ палемдыме. Тудым луымшо июль марте ыштен шуктышаш улыт. Полномочный представитель Юрий Зайцевлан йодышым виктарымаште кӱлеш мерым шукташ кӱштен.
Фото: Марий Элыште тӱҥ федерал инспекторын пресс-службыжо.
Фото: Марий Элыште тӱҥ федерал инспекторын пресс-службыжо.
