Евгений Курмаев Михаил Васютин дене пырля Курык марий районысо да Козьмодемьянск оласе калыклан приёмым эртареныт

Евгений Курмаев  Михаил Васютин дене пырля Курык марий районысо да Козьмодемьянск оласе калыклан приёмым эртареныт
             Марий Эл Правительстве вуйлатышын икымше алмаштышыже Евгений Курмаев Марий Эл Кугыжаныш Погыным вуйлатыше Михаил Васютин дене пырля Курык марий районысо да Козьмодемьянск оласе калыклан приёмым эртареныт, ола да районысо депутат- влак погынымашын сессийыштышт лийыныт да «Копир» заводын пашаже дене палыме лийыныт.
              Верысе калык тунемме тӧнежлам олмыктымо, корным чоҥымо, тӱвыра поянлык объектлам арален кодымо, верысе инициативе проектлам шыҥдарыме да моло йодышымат пуэныт. Йодыш- влаклан умылтарымаш- влакым пуымо да верысе самоуправлений да исполнительный кучем орган- влаклан келшыше кӱштымашым пуымо. Йодыш- влакым шуктымым правительстве вуйлатышын икымше алмаштышыже шке контрольышкыжо налын.
              Депутат- влак погынымаын сессийыштыже тӱн йодыш администраций вуйлатыше- влакым пеҥгыдемдымаш лийын. Козьмодемьянск олан мэржылан уэш Михаил Козловым, Курык марий район администрацийым вуйлатышылан Наталья Арганяковам сайлыме.
              Поездкын кӱлешан ужашыжлан «Копир» заводыш мийымаш шотлалтын. Делегаций заводын производство куатше, лукмо продукцийже, ончыкылык планже дене палыме лийын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски