Волжск олаште православий храмыш газым пуртымо
Волжск олаште православий храмыш газым пуртымо. «Газпром газораспределение Йошкар-Ола» компанийын специалистше- влак Волжск оласе Мамасево микрорайонышто чоҥымо Юмынаван Владимирский Юмоҥажын храмжым газ сетьыш ушымо. Газым пурташлан изи куатан газ пучым чоҥымо. Канде тулым пуртымо дене черке пашаеҥ, храмыш толшо, турист- влаклан талук мучко черкыште лияш йӧн ышталтын. Адакшым тушто реликвийлан шотлалтше юмоҥа- влак улыт. Нуно сайын аралалтышт манын температура режимым эскераш кӱлеш. Волжск олаште у пу черкым тений сентябрьыште шнуй орланыше Тамара Сатси лӱмеш чоҥен шуктымо. Тамара шуко ий Чувашийыште монастырьым вуйлатен да черке ваштареш кучедалме жапыште эҥгекыш логалын. 2007-ше ийыште Тамара Сатсим шнуй- влак радамыш пуртымо. Храмын кӱкшытшӧ 18 метр, тушко 300 еҥ пурен кертеш. Храмым пӱтынек пу дене руш зодчестве стиль дене ыштыме Авторжо- архитектор Николай Васнецов- лӱмлӧ руш сӱретче- живописец Виктор Васнецовын тукымжо.
