Йошкар-Олаште электроподстанцийысе ик эн кугу аварийым тӧрленыт
Йошкар-Олаште электроподстанцийысе ик эн кугу аварийын эҥгекшым кораҥденыт. Теҥгече кастене рӱдӧ олан эҥер вес вел ужашыштыже 18 шагатат 50 минут гыч «Заречный» подстанцийыште электротул йӧрен. Тул деч посна Сомбатхей, Звёздный, Дубки, Нагорный, Ремзавод микрорайон- влак кодыныт. Тӱжем дене еҥ- влак ныл шагат наре электричестве деч посна шинченыт. Южо микрорайонышто илыше- влакын мутышт почеш нунын тул гына огыл, газ ден шокшат лийын огыл. Шокшым таче эрдене гына пуэныт. Мэрийын умылтарымыже почеш чыла службо вияҥдыме режим дене пашам ыштен, энергетик- влак потребитель –шамычым моло подстанцийыш кусараш тыршеныт. Тыге электроснабженийым 23 шагатат 23 минутлан тӧрлен шуктымо.
Фото: МариМедиа.
Фото: МариМедиа.
