Марий Элым вуйлатыше Красногорскысо каныш да тӱвыра рӱдерым олмыкташ коло миллион наре теҥге оксам ойырен

Марий Элым вуйлатыше Красногорскысо каныш да тӱвыра рӱдерым олмыкташ коло миллион наре теҥге оксам ойырен
               Марий Элым вуйлатыше Красногорскысо каныш да тӱвыра рӱдерым олмыкташ коло миллион наре теҥге оксам ойырен. Район администрацийым вуйлатыше Сергей Петров дене вашлиймыже годым келшыше распоряжениеш кидпалыжым пыштен. Сергей Петров увертарен: Марий Элым вуйлатышын кӱштымашыже почеш кӱлеш тергымашым эртарыме, сметым ыштыме. Посёлкышто шуко калык ила, а каныш да тӱвыра рӱдер икте гына. Глава ешарен: олмыктымо деч вара рӱдер йӧнан гына огыл, лӱдыкшыдымӧ лийшаш. Эше могай проблеме уло манын йодын. Вашлиймашыште аварийный илыме верла гыч калыкым кусарыме, Суслонгерыште вӱдым ситарыме системым пужен ыштыме, Звениговышто лавыра вӱдым тулен колтымо канализаций коллекторым чоҥымо да моло йодыш- влакым каҥашыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски