Йошкар-Оласе медицина колледжыште фельдшер- влакын конкурсышт эртен
Йошкар-Оласе медицина колледжыште вашке полыш службын профессионал пайремжылан пӧлеклалтше фельдшер- влакын конкурсышт эртен. Тыгай таҥасымашым вашке полыш станций 1978-ше ий годсек эртара. Ончычсыжо 2018-ше ийыште эртен. Туддеч вара республикыштат, элыштат, тӱнямбалнат шуко событий эртен. Ме чыланат коронавирус пандемийым сеҥен лекна. Тудо чыла планым кум ийлан шӱкалын. Но неле годымат чон пайремым йодеш. Молан манаш гын, кажне профмастарлык конкурс участник- влакым куандарыше, мотор шоуш савырна. 21-ше конкурсат тыгаяк лийын. Ондак рӱдӧ оласе вашке полыш станцийын фельдшерже- влак гына таҥасеныт гын, ынде службым республикысе ик структурыш ушымеке, таҥасымашке районла гычат подразделений- влак ушненыт. Икымше верым Звенигово гыч фельдшер Людмила Рогожкина налын. Кокымшо вер Йошкар-Ола гыч Татьяна Шагизигановалан логалын, кумшо верыш У Торъял гыч Марина Веселова лектын.
Фото: Тазалыкаралтыш министерстве.
Фото: Тазалыкаралтыш министерстве.
