Республикына лӱмын эртарыме сар операций кундемыш черетан гуманитар полышым колташ ямдыла
Республикына лӱмын эртарыме сар операций кундемыш черетан гуманитар полышым колташ ямдыла. Груз СВО кундемыш Российын ныл у субъектышкыже кая,- увертара Йошкар-Ола мэрын икымше алмаштышыже Лев Покровский. Мемнан боец- влаклан полшаш маскироватлыше сетьым, окоплык сортам, шапаш ужашым, оравам, газ баллоным, шыҥам лӱдыктышо средствым, фонарьым, вӱдыжгӧ салфеткым, вургемым, йолчиемым, кочкышым да серыш- влакым колтат. Грузым колтымым республикын правительствыже виктарен шога. Полышым погымаште организаций ден предприятий да республикысе калык чолган участвоватла. Полышым погымо пункт- влак тыгай адрес дене верланат: «Аван шӱмжӧ» толкын- Эшкинин уремысе 10-шо Б пӧрт, «Гранит-Безопасность компаний группын» офисше- Киров урем 4-ше А пӧрт, «Калык фронтын» офисше- Ленин проспект, 29-ше пӧртыштӧ.
Фото: Лев Покровский.
Фото: Лев Покровский.
