Республикысе калыклан оксам тӱлыде Российысе фильм- влакым ончыктат
Республикысе калыклан оксам тӱлыде Российысе фильм- влакым ончыктат. Марий Элыште Станислав Говорухиным шарныме лӱмеш «Движение по вертикали» кинофестиваль лиеш. Фильм- влакым Йошкар-Оласе, У Торъялысе, Оршанкысе, Килемарысе кинозал ден виш площадкылаште ончыктат. Тидын нерген тӱвыра министерстве увертара. 13-шо гыч 27-ше май марте кинофестивальын кокымшо йыжыҥже эрта. Икымшыже Абаканыште лийын. Фестивальым Йошкар-Оласе рӱдӧ каныш паркыште 13-шо майын «Опасные каникулы» фильм почеш. Туштак 20-шо майыште «Дневник мамы первоклассника» кином ончаш лиеш. 22-шо майыште Евсеев лӱмеш калыкле тоштерыште Станислав Говорухинын илышыже да усталыкше нерген фотовыставке пашам ышташ тӱҥалеш. Тыгак театрын да кинон актёржо Борис Каморзин дене усталык вашлиймаш эрта да «Фильм о фильме», «Конец прекрасной эпохи» фильм- влакым ончыктат.
