Марий Элым вуйлатыше туныктышо пашаеҥ- влакын конкурсыштышт сеҥыше- влаклан сертификат ден кубкым кучыктен
Марий Элым вуйлатыше туныктышо пашаеҥ- влак коклаште профессионал мастарлыкым ончыктымо конкурсышто сеҥыше- влаклан окса премийым налаш сертификат ден кубкым кучыктен. Шкетан лӱмеш Марий калыкле драма театрыште «Талукын туныктышыжо, воспитательже, Марий йылмым эн сайын туныктышо да «Шӱмем йоча- влаклан пуэм» конкурслам иктешлыме. Конкурсым ямдылыме да тушто участвоватлыше- влакым Марий Элым вуйлатыше Юрий Зайцев саламлен. Тудо палемден: нине конкурсыш чыла муниципал образований гыч 57 педагог ушнен. Тушто сеҥыше- влак рашемыныт. Нуно республикын чапшым Российысе конкурсышто аралаш тӱҥалыт. «Талукын туныктышыжо» номинацийыште сеҥышыш Юрино районысо Марьино школ гыч биологий ден химийым туныктышо Валентина Дружинина лектын. Воспитатель- влак коклаште эн сайлан Волжск ола гыч 23-шо номеран «Кораблик» йоча сад гыч Анастасия Шукуровам шотлымо. «Шӱмем йоча- влаклан пуэм» номинацийыште «Йоча да самырык- влакын техник усталык рӱдерыштын педагогшо Николай Шаропин сеҥыше лийын. А «Марий йылмым эн сайын туныктышо» семын Оршанке районысо Нужавлак тӱҥ школышто марий да руш йылмым, сылнымутым, Марий Элысе калык- влакын историй ден тӱвыраштым туныктышо Людмила Пирогова ойыртемалтын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
