Михаил Матвеев Российысе тӱвыра министерстве пеленысе Координационный советын пленар заседанийыштыже участвоватлен

Михаил Матвеев Российысе тӱвыра министерстве пеленысе  Координационный советын пленар заседанийыштыже участвоватлен
          Марий Элысе тӱвыра, печать да калыкын пашаже шотышто министрын алмаштышыже Михаил Матвеев Российысе тӱвыра министерстве пеленысе тӱвыра шотышто Координационный советын пленар заседанийыштыже участвоватлен. Тудо Кабардино-Балкар республикын Правительстве пӧртыштыжӧ эртен. Заседанийыште «Тӱвыра» калыкле проектым, «Пушкин карте», «Российыште шонен лукмо» проектлам, самырык тукымым шӱм-чон арулык да  патриотизм шӱлышеш шуарыме, усталык индустрийым вияҥдыме, йоча тӱвыра форум, элысе сем культурым арален да шарен колтымо, элыште кинопедагогике да киноотрасльым вияҥдыме концепций нерген йодышлам каҥашыме.
            Фото: Тӱвыра министерстве.

Прошлые выпуски