Марий Элым вуйлатыше Марий Йӱштӧ Кугызан у резиденцийжым ончен аклен

Марий Элым вуйлатыше Марий  Йӱштӧ Кугызан у резиденцийжым ончен аклен
          Марий Элым вуйлатыше Марий  Йӱштӧ Кугызан у резиденцийжым ончен аклен. Тудо теҥгече Шернур районыш паша дене миен. Йӱштӧ Кугызан резиденцийже марий кундемын ик эн чапле турист верышкыже савырна. Тушко уна- влак уло республике гыч веле огыл, элысе моло кундем да йот элла гычат толыт. Теле мучко Йӱштӧ Кугызан пӧртшым вич тӱжем наре еҥ ончен савырна. Резиденцийым турист объект реестрышке пуртымо. Кызыт тудо кундемыште Йӱштӧ Кочалан пу гыч кок пачашан чапле пӧртым ыштыме. Тушто Кочан шке кабинетше, унам вашлийме пӧлем, марий калыкын сурт-кӧргӧ ӱзгар тоштерже, мастар-класслам эртарыме кабинет верланеныт. Юрий Зайцев уэмдыме кумдыкым ончен лектын да палемден: тиде мотор вер республикысе этнотӱвырам вияҥда, калык да конфессий кокласе кылым пеҥгыдемда. Марий Йӱштӧ Кугызан эн йӱдвел верым ойырен налмыжат пеш чын. Резиденций уна- влакым кумылаҥда да туризмым  вияҥдаш полша. А ме шке велым каныме верым уэмдаш полшаш тӱҥалына,- каласен Юрий Зайцев. Тудо калык- влакын пашашт шотышто федерал агентствын тауштымашан серышыжым Кукнур ял илем администрацийым вуйлатыше Леонид Долгушевлан кучыктен. Тыгак ондакырак  «Кумылым шуктышо кож» гыч Настя Элембаеван серышыжым  мучыштарен налын ыле. Тудыжо коньким налаш шонымыжо нерген возен. Вуйлатыше ӱдырлан коньким да шере пӧлекым кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски