Марий Элым вуйлатыше Медведево районыш паша дене миен

Марий Элым вуйлатыше Медведево районыш паша дене миен
             Марий Элым вуйлатыше Медведево районыш паша дене мийыме кышкарыште Пӱкшерме ялысе клубын у зданийжым ончен. Тудо кодшо ийын шыжым мийымыже годым модулян тӱвыра пӧртым чоҥаш решенийым луктын ыле. 199 квадрат метр кумдыкан у зданийыште тӱҥ зал, сцена, калык усталык ден хореографий кабинетла, костюмерный да артистический пӧлем- влак верланеныт. Республикым вуйлатыше пӧлем- влакым ончен, йоча мурышо ансамбльын репетицийыштыже лийын, йоча- влакын ача-авашт дене мутланен. Модулян тӱвыра пӧртым чоҥымаш ял илем- влаклан пеш келшен толшо вариант манын тудо. Тиде объектым ыштен ончышна, вашке нӧлталтеш, кызытсе жаплан келшыше. Кушто кӱлеш, тушто тыгайым ышташ тӱналына манын тудо. Тиде клубышто чапланыше кок коллектив пашам ышта- «Весела кумыл» фольклор ансмабль ден «Орешки» йоча куштышо ансамбль. Тиддеч вара Марий Элым вуйлатыше Медведево посёлкышто Полевой урем корным олмыктымым терген. Тудо 586 метран, Йошкар-Ола ден посёлкым ушен шога, транспорт шуко коштеш. Вара вуйлатышылан кудывечылам олмыктымо нерген каласкаленыт. Юрий Зайцев вуйын шогышо- влаклан кудывечылаште олмыктымо качествым конрольышто кучаш, верысе калык дене кылым ыштен шогаш кӱштен. Ончен савырныме деч вара Республикым вуйлатыше совещанийым эртарен. Погынышо- влак дене тӱвыра, спорт тӧнежлам чоҥымо, автомобиль корным олмыктымо да моло йодышым каҥашеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски