Волжск олаште пу барак- влакым рончат

Волжск олаште пу барак- влакым рончат
         Волжск олаште илышыже- влакым кусарыме пу барак- влакым рончат. Тидын нерген олан мэрже Рафис Шагвалеев увертара. Рончаш оксам Марий Элын правительствыже ойырен. Йодыш пӱсӧ. Тудо оласе калыкынат да мыйынат тургыжланымашем луктеш. Но олан бюджетше дене нине баракым рончаш ок лий. Сандене ме полышым Марий Эл Правительстве, республикым вуйлатыше деч йодна. Тыге полышым пуымо,- каласен олам вуйлатше. Кызыт олаште Комаров, Халтурин уремлаште калыкшым кусарыме тошто пӧрт- влакым рончат. Нуно пеш шуко улыт гынат, аварийный чыла пӧртым кораҥдаш палемдыме. Историйже тыгай: пытартыш жапыште нине баракыш пеш чӱчкыдын тулым чыкен кодат. Ола кучем эре тургыжланымашым ончыкта. Молан манаш гын, йӱлышӧ пӧртым рончаш эше нелырак. Йӱлышӧ пӧртым рончаш ик организацият огеш нал. Тыге ола парымыш гына пура. Теве ынде содыки йодышым виктарыме корным мумо.
           Фото: Рафис Шагвалеевын ВК-же.

Прошлые выпуски