Йошкар-Олаште той гыч ыштыме пырысиге фигурко- влакым вераҥдаш тӱҥалме
Йошкар-Олаште той гыч ыштыме пырысиге фигурко- влакым вераҥдаш тӱҥалме. Турист проект Йошкар-Олан 440 ийжылан пӧлеклалтын. Тудым «Йошкин пырысъеш», «Йошкин пырыс- влакын игышт» але «Йошкар-Олан шым ӧрыктарышыже» маныт. Тиде 20 сантиметр кӱкшытан прысигын шым фигуркыжо. Нуным Владимир олаште велыктыме. Йошкар-Олан достопримечательностьшылан шотлалтыт. Чылаштым кычал муаш ик шагат жап кӱлеш. Мэрын икымше алмаштышыже Лев Покровский шкенжын ВК лаштыкыштыже чыла фигуркын лӱмжым да верланыме кумдыкыштым ончыктен. Сбер воктене Карл пырысиге шийокса дене, Василий пырыс тоштер воктене рюкзак дене, Театр воктене Бусинка пырыс пуантем чиен, Вокзал воктене Дымка пырыс чемодан дене, Башне воктене Мурзик пырыс гитаре дене, Площадь воктене Барсик пырыс кол дене, паркыште Ириска пырыс мороженый дене. Тыге кушто верланымышт лӱмышт гычак коеш. Проектым ола администрацийын полшымыжо дене Сбер, Креатив индустрий школ да Олан историй тоштерже шыҥдарат. Тыгай изи архитектур формым шыҥдарыме шонымаш у огыл. Вроцлавыште гномик- влак, Калининградыште- хомлин-шамыч улыт, Йошкар-Олаште пырыс иге- влак шочыныт.
Фото: Михаил Винокуров.
Фото: Михаил Винокуров.
