Марий Эл гыч кум еш Российын эн сай ешыже- влак спискыш пурен

Марий Эл гыч кум еш Российын эн сай ешыже- влак спискыш пурен
            Марий Эл гыч кум еш Российын эн сай ешыже- влак спискыш пурен. 2023-шо ийын шыжым Российысе эн кугу «Тиде мемнан ешысе» еш конкурс тӱҥалын ыле. Тудым «Россия- страна возможностей» президент платформо ямдылен. Конкурс россий обществын негызшылан шотлалтше пеҥгыде, келшен илыше еш- влакым пален налаш да полшаш эртаралтеш. Юл кундем округысо еш- влакын полуфиналышт Уфа олаште эртен. Марий Эл гыч 12 еш миен. Участник- влак пырля уш-акыл, спорт, усталык заданий- влакым шуктышаш улыт ыле. Финалыш 78 еш лектын. Тудыжо Москошто лиеш. Нине еш коклаш Марий Эл гыч кум еш логалын: Шаблий-Волковмыт, Григорьев-Козловмыт, Кожевниковмыт-Обуховмыт еш. Тиддеч посна Кудрявцевмыт еш «Эрудиций- тиде мемнан ешысе» номинацийыште посна приз дене палемдалтын. «Тиде мемнан ешысе» конкурсышто чылаже  элысе 89 регион гыч 102 тӱжемат 735 еш гыч 587 тӱжемат 250 еҥ участвоватлен. Финалыште элысе 300 эн сай еш вашлиеш, кумытшо Марий Эл гыч улыт.
          Фото: Денис Шаблийын ВК лаштыкше гыч.

Прошлые выпуски