Юрий Зайцевым «Единый Россий» партийын регионысо пӧлкажын секретарьжылан сайлыме

Юрий Зайцевым «Единый Россий» партийын регионысо пӧлкажын секретарьжылан сайлыме
              Юрий Зайцевым «Единый Россий» партийын регионысо пӧлкажын секретарьжылан сайлыме. Сайлымаште тудын верч шке йӱкшым 109 еҥ пуэн. Теҥгече Калык- влакын келшымаш пӧртыштышт Партийын марий пӧлкажын 33-шо конференцийжын икымше йыжыҥже эртен. Тушто 200 утла еҥ участвоватлен. Нунын коклаште Марий Элым вуйлатыше Юрий Зайцев. Кугыжаныш Думо вуйлатышын алмаштышыже Анна Кузнецова, Федераций Советын Конституций законодательство шотышто комитетшын еҥже Николай Владимиров, Марий Эл Правительствын еҥже- влак муниципал образованийлам вуйлатыше, тӱрлӧ кӱкшытан депутат, мер калык да молат лийыныт. Ик тӱҥ йодышыжо партийын марий регионысо пӧлкажын секретарьжым сайлымаш лийын. Кок ий утла партийын регионысо лидержылан Правительстве вуйлатышын икымше алмаштышыже Евгений Кузьмин ыштен. Тудо секретарь семын шке полномочийжым кораҥдаш йодмашым возен. Сомылжым шукташ Юрий Зайцевым шогалтыме ыле. Тудын кандидатурыжым Партийын председательже Дмитрий Медведев поддержатлен. Сайлымаш альтернативе негызеш эртен. Шке кандидатурыжым партийын марий пӧлкажын исполнительный комитетшым вуйлатыше Антон Волков луктын ыле. Шукырак йӱк дене Юрий Зайцевым партийын марий пӧлкажын секретарьжылан сайлыме.
             Фото: Марий Элым вуйлатышын  администрацийжын увер дене пашам ыштыше пӧлкаже.
        Фото: «Единый Российын» верысе пӧлкаже.

Прошлые выпуски