Марий Элым вуйлатышын пашажым шуктышо «Интеграл» микрорайонышто шолып бизнес шотышто чыла рашемдаш кӱштен

            Марий Элым вуйлатышын пашажым шуктышо «Интеграл» микрорайонышто шолып бизнес шотышто чыла рашемдаш кӱштен. Юрий Зайцевын кӱштымыжӧ почеш Йошкар-Оласе «Интеграл» микрорайонышто закондымын отходым йӱлалтымашым рашемдыме рейд- влак умбакыже шуйнат. Тудын лектышыже нерген мэр Евгений Маслов увертарен. Мланде участке, нунын озашт нерген уверым чумырен иктешлыме, йӱд рейд- влакым эртарыме, контроль пӧлкан пашаеҥже- влакым сутка мучко дежуритлымашке кусарыме. Тыге тазалыклан лӱдыкшым лукшо эа эҥгекым кондышо шолып бизнесым виктарымашым рашемдыме. Икымше кече гычак мландешӱйым йӱлалтыше ятыр коҥгам рашемдыме. Тушто виш тул дене производствын отходшо, быт куштыра, ӱяҥше  куэм, кабельын полимеран ӱмбалже йӱлаталтеш. Юрий Зайцев закондымын амалкалче пашам шуктымым умбакыже рашемыман, тергыше да эскерыше орган- влакым ушыман, чыла нарушительым рашемдаш мо кӱлешым чыла ыштыман манын. Кӧн пашам ышташ документше уло гын, ме иктымат лӱмын поктен огына лук. Но калыкым аярташ иктат правам ок пу, порядке лийшаш. Чыла закон почеш пашам ыштышаш улыт. Посна озан участкыже гын, чын бизнес лийшаш. Кеч-мо гынат тиде пашам мучашыш шуктыман,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски