Тенийсе икымше пелийыште республикыштына 222 миллион штук муным налме
Тенийсе икымше пелийыште республикыштына 222 миллион штук муным налме. Оперативный данный почеш январь гыч июнь марте чыла озанлыкыште шыллан вольык ден сурт-кайыкым 172 тӱжем тонным ямдылыме але кодшо ийысе тыгаяк жаплан шотлымаште 97 утла процентым, шӧрым 99 тӱжем тонн утлам (кодшо ийысе деч 103 процентым), 222 миллионат 200 тӱжем муным (109) процентым, - увертара Маристат. Вольык продукцийым утларакше ял озанлык организаций- влак ыштат: вольык ден сурткайыкым 98 процентым, шӧрым 70 утла процентым, муным 85 процентым. Вольык ден сурт-кайыкым шыллан ашнымаште кугурак верым сурткайык налеш- 72 процентым. Ончылно Параньга ден Советский район улыт. Пелийыште ял озанлык органиазций- влак 69 тӱжем тонн шӧрым шупшылыныт. Тидыже кодшо ийысе тыгаяк жап деч 9 утла процентлан шукырак. Эн шуко шӧрым У Торъял, Медведево, Шернур районлаште лӱштат.
