Республикыштына илыме вер да коммунал озанлыклан тарифым эн изи планке дене палемдыме- 3,2%-ым
Республикыштына илыме вер да коммунал озанлыклан тарифым эн изи планке дене палемдыме- 3,2%-ым. Марий Эллан икымше июль гыч кокла индексым кум тичмашат кок луаш процентым палемдыме. Тидыже Юл кундем округысо регион- влаклан эн изи шотлалтеш. Тидын нерген оперативный совещанийыште промышленность, экономически вияҥмаш да торговля министр Станислав Крылов увертарен. Тудо палемден: идалык еда Россий Правительствын распоряженийже дене граждан- влаклан коммунал полышлан тӱлаш кажне регионлан кугемдыме кокла индекс палемдалтеш. Илыме вер да коммунал полышлан ак июль гыч вашталтеш. Республикым вуйлатышын пашажым шуктышо тидымат палемден: южо полышлан тариф пошкудо республикыла деч кугурак кодеш. Сандене промышленность министерствылан Россий законодательстве дене келшышын терген лекташ кӱштен.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
