Республикын кучемже Йошкар-Олаште кудывечылам олмыкташ 75 миллион теҥгем ойырен
Республикын кучемже Йошкар-Олаште кудывечылам олмыкташ 75 миллион теҥгем ойырен. Марий Элым вуйлатышын пашажым шуктышо Юрий Зайцевын эратрыме оперативный совещанийыште рӱдӧ оласе тӱшка кумдык ден кудывечылам олмыктымо нерген ойлымо. Йошкар-Олан мэрже Евгений Масловын увертарымыже почеш кудывечылаште пашам тӱналме. Эн ончыч калык деч пурышо вуйшиймашан кудывечылам да социал тӧнежла деке мийыме кумдыкым олмыктат. Тыгай оксам иканаште нигунамат кудывечым тӱзаташ ойырен огытыл ыле. Вигак лу кудывечым олмыктена, - каласен Евгений Маслов.
Олмыктымо пашашке вӱдым йоктарен колтымо, асфальтым, бордюр кӱм вашталтыме паша- влак пурат. Таҥастарашлан мэр тыгай цифрым ончыктен. Ончычсо вич ийыште кудывече кумдыклам олмыкташ 145 миллион теҥгем колтымо. Кокла шот дене идалыкыште 29 миллион кучылталтын. Юрий Зайцев ешарен: олмыктымо пашам шуктымо нерген калыклан увертарен шогыман, могай кумдык эн ончыч ышталтшашым умылтарыман. Калык пален шогышаш. Кудывече- влакын могай улмыштлан тудо икымше кечыла гычак тӱткышым ойыраш тӱҥалын. Калык деч шуко вуйшиймаш пура манын.
Фото: Марий Элым вуйлатышын организаций да аналитик виктемже.
Олмыктымо пашашке вӱдым йоктарен колтымо, асфальтым, бордюр кӱм вашталтыме паша- влак пурат. Таҥастарашлан мэр тыгай цифрым ончыктен. Ончычсо вич ийыште кудывече кумдыклам олмыкташ 145 миллион теҥгем колтымо. Кокла шот дене идалыкыште 29 миллион кучылталтын. Юрий Зайцев ешарен: олмыктымо пашам шуктымо нерген калыклан увертарен шогыман, могай кумдык эн ончыч ышталтшашым умылтарыман. Калык пален шогышаш. Кудывече- влакын могай улмыштлан тудо икымше кечыла гычак тӱткышым ойыраш тӱҥалын. Калык деч шуко вуйшиймаш пура манын.
Фото: Марий Элым вуйлатышын организаций да аналитик виктемже.
