Арсений Яйцов режиман тӧнежла мучко гастрольым эртара
Арсений Яйцов режиман тӧнежла мучко гастрольым эртара. Лӱмлӧ гармоньчо уголовно-исполнительный системын тӧнежлаштыже концертым ончыкта. Кодшо каныш кечылаште тудын мастарлыкшым СИЗО, кумшо колоний, 7-ше колоний поселенийлаште шинчыше да исправительный рӱдер семын ыштыше кок участкыште ончен кертыныт. Арсений Яйцов Палантай лӱмеш кугыжаныш премийын лауреатше, Россий да Марий Эл тӱвыран сулло пашаеҥже, «Марий Эл ончылно надырлан» орденын медальжым налше да Курык марий районын почётан гражданинже семын палыме. Пытартыш 20 ий наре жапыште тудо Россий мучко ныл тӱжем наре поро кумыл концертым ончыктен, гармоньжо дене Европысо 14 элым коштын савырнен. Тиде арнян тудын чолга семжым нылымше да 6-шо колонийыште ончат.
Фото: Марий Элысе УФСИН-ын пресс-службыжо.
Фото: Марий Элысе УФСИН-ын пресс-службыжо.
