Республикыштына йолешке вончем- влакын лӱдыкшыдымылыкыштым эскерымаш тӱҥалеш

           Республикыштына йолешке вончем- влакын лӱдыкшыдымылыкыштым эскерымаш тӱҥалеш. Кугыжаныш Думо председательын алмаштышыже Анна Кузнецова ден Марий Элым вуйлатышын пашажым шуктышо Юрий Зайцев тиде пашалан тӱҥалтышым ыштеныт. Тиде проект лач Марий Элыште тӱналеш. Тидын нерген паша дене Йошкар-Олаш толшо Кугыжаныш Думо вуйлатышын алмаштышыже Анна Кузнецова увертарен.
Эмлыме вер, йоча сад, школ да моло социал тӧнеж ончылно верланыше йолешке вончем- влакын лӱдыкшыдымылыкыштым эскерымаш лач Йошкар-Ола гыч тӱҥалеш. Вашке август. Тиде эн лӱдыкшӧ тылзе. ГИБДД-м вуйлатыше- влак тиде тӱҥалтышым сайлан шотленыт. Тудын тӱҥалмыжым лач тыште Йошкар-Олаште увертарена.
          Юрий Зайцев Кугыжаныш Думо председательын алмаштышыжлан Марий Элыш толмыжлан тауштен ойлен. Вице-спикер ушештарен: Марий Элым вуйлатышын пашажым шуктышо дене икымше вашлиймаш Башкирийыште Еш, йӧратымаш да ӱшанле улмо кечым пайремлыме годым эртен. Тыге палыме лиймын тӱҥалмыже символ шотан. Ешым аралымаш пеш кӱлешан паша. Тыланда тидын шотышто сай регион логалын. Йошкар-Олаште пӱтынь эл дене таҥастарымаште шагалрак еш шалана, утларак йоча йочеш, эл дене таҥастарымаште калыкын йоча дене эртарыме жапше кум процентлан шукырак,- каласен Анна Кузнецова. Тудо тыгак калыклан приёмым эртарыме нерген ойлен. Калыклан социал полышым пуымо нерген еҥ- влак шагал палат, шокшо линийым ышташ кӱлеш манын.
            Вашлиймаште тыгак йоча- влакын тазалыкыштым пеҥгыдемдыме кампаний, эмым ситарыме, йоча пӧрт, интернат, начар тазалыкан йоча- влакын илыме тӧнеж- влаклан полшымо нерген мутланыме. Тыште единый проект полшен кертеш. Тудо икмыняр кундемыште шыҥдаралтеш. 15 пилот регионым рашемдыме. Куандара, Юрий Викторович Марий мландыште граждан инициативым  ушен шогышо рӱдерым ыштымашым сайлан шотлыш. Тидыже ятыр йодышым виктарен колташ полша. Иквереш ме сай лектышыш шуына, -каласен Анна Кузнецова.
             Фото: Марий Элым вуйлатышын организаций да аналитик виктемже.

Прошлые выпуски