Юрий Зайцев республикыште кужун чоҥалтше объект- влакын перечньыштым ышташ кӱштен
Марий Элым вуйлатышын пашажым шуктышо Юрий Зайцев республикыште кужун чоҥалтше объект- влакын перечньыштым ышташ кӱштен. Тыгай задачым тудо оперативный совещанийыште чоҥымаш министр Михаил Степановын докладше деч вара шынден. Палемдыме: 2018-ше ийыште чоҥен шуктыдымо чыла объектлан инвентаризацийым ыштыме да спискым возымо. Тушко 455 объект пурен, тушечын 112-шо республикым вияҥдыме программыш пурталтын. Нунылан кум миллиард утла теҥге окса кӱлеш лиеш. Тиде перечень гыч 13 объектым ыштен шуктымо. Юрий Зайцев кужун чоҥалтше чыла объектше денат уверым ямдылаш кӱштен. Ыштымеке, вара уэш погынена да канашаш тӱҥалына. Чоҥен шуктыдымо объект- влакым шагалемдаш кӱлеш, - каласен Юрий Зайцев.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
