Спецопераций кайыме жапыште вуйым пыштыше сарзе- влак нерген шарнымашым Йошкар-Олаште пеҥгыдемденыт

            Спецопераций кайыме жапыште вуйым пыштыше сарзе- влак нерген шарнымашым Йошкар-Олаште пеҥгыдемденыт. Петров уремысе икымше номеран пӧрт пырдыжеш «Сеҥымаш да шарнымаш» манын возыман баннерым пижыктыме. Тушто Украине ден Донбасс кундемлаште спецопераций годым ӱмыр лугыч лийше герой- влакын фотосӱретыштым вераҥдыме. Тидым ышташ оласе калык йодын. Тиде верым таклан огыл ойырен налме. Дамир Шаймарданов, Игорь Пипякин да Роман Лебедев Сомбатхей микрорайонышто иленыт да школлаште тунемыныт. Нунын кокла гыч кокытшо вуйым пыштымеке Патырлык орден дене палемдалтын, иктыже Российын Геройжо лийын. Торжественный мероприятийыш илыш гыч кайыше боец- влакын родо-тукымышт ден лишыл еҥыштым ӱжыныт.
            ФОТО: Марий Эл Республикысе «Боевое братство».

Прошлые выпуски