Марий Элын стендыштыже экологий арня тӱҥалын

Марий Элын стендыштыже экологий арня тӱҥалын
              ВДНХ-ште Марий Элын стендыштыже экологий арня тӱҥалын. «Россий» ончер-форумышто экологий арня 7-ше апрель марте шуйна. Кажне кечын 10 гыч 19 шагат марте мийыше- влакым эковикторина, экоквест да мастар-класс- влак вучат. Пӱртӱс ведомствын специалистше- влак видеокурс семын пушеҥгым шындаш туныктат, «Аралыме чодыраште кыша- влак» да «Мый Российым шымлем» кок интерактиван мобильный модмо рӱдерым ончыктат. Йоча эколого-биологий рӱдер «Чодыра наставникын школжо» да «Марий Эл дене экологично илаш тӱҥал» мастар-классым ямдылен. Площадкыште посна уна семын «Республике мучко йолын» проектын авторжо Александр Акилбаев лиеш. Тудак «Марий Эл але Марий Эл огыл» фотовикториным эртара.
         Фото: Пӱртӱс поянлык министерстве.

Прошлые выпуски