Марий калыкын 12-шо Россий кӱкшытан погынжым эртарыме йодышым каҥашыме
Республикысе тӱвыра министерствыште Марий калыкын 12-шо Россий кӱкшытан погынжым эртарыме йодышым каҥашыме. Правительстве вуйлатышын алмаштышыже- тӱвыра министр Константин Иванов теҥгече 31-ше октябрь гыч 2-шо октябрь марте Йошкар-Олаште марий калыкын погынжым эртараш ямдылалтме шотышто пашаче совещанийым эртарен. Марий мер каҥашым вуйлатыше Эдуард Александров увертарен: республикысе муниципал образованийлаште да элыште марий – влакын тӱшкан илыме кундемлаште калык сходым эртарыме, погыныш делегат- влакым сайлыме. Российысе субъектла кокла гыч эн кугу делегаций – 80 утла еҥ Башкортостан гыч толшаш. Чылаже 440 делегатым вучат. Форум тений Ешын идалыкшылан пӧлеклалтеш. Погынышто вич секций пашам ышташ тӱналеш. Тушто марий калыкын йылмыжым, тӱвыражым вияҥдыме йодышым каҥашат. Совещанийыште тыгак тӱвыра программым да съездыш толшо- влаклан логистикым каҥашыме. Погын ныл ийлан ик гана эрта. Икымшыже 1917-ше ийыште Ӱпӧ губернийысе Бирск олаште эртен.
Фото: Тӱвыра министерстве.
Фото: Тӱвыра министерстве.
