Волжский районысо Пӧтъял школышто агроклассым почыт

Волжский районысо Пӧтъял школышто агроклассым почыт
              Волжский районысо Пӧтъял школышто агроклассым почыт. Тушто сварщиклан, тракторист-машинистлан, ял озанлык техникым ачалыше слесарьлан туныкташ тӱҥалыт. Тунемме тӧнежын директоржо Валериан Семёновын умылтарымыже почеш «Агротехник» тунемме да производство кластерын партёржо семын верысе ял озанлык предприятий тырша. Школым тунем пытарымеке тунемше- влак пашазе профессий дене свидетельствым да квалификаций разрядым налыт. Лач тыгай ошкыл кызытсе ял озанлыклан у кадр- влакым ямдылыме ончыкылыкым почеш, ял озанлык, ялысе илыш  деке ӱдыр-рвезе- влакын кумылыштым нӧлталеш. Ушештарена: Президент Владимир Путин эше апрельыштак Просвещений министерствылан Ял озанлык министерстве дене пырля школлаште профилян агрокласс- влакым почмо шотышто 15-ше октябрь марте увертараш кӱштен ыле.
            Фото: Римма Лукаева.

Прошлые выпуски