Республикыштына илыме вер да коммунал полышлан акын у кугемдыме стандартшым пуртымо

Республикыштына илыме вер да коммунал полышлан акын у кугемдыме стандартшым пуртымо
              Республикыштына илыме вер да коммунал полышлан акын у кугемдыме стандартшым пуртымо. Марий Элым вуйлатыше «Илыме вер да коммунал полышлан акын республикысе стандартшым ыштыме нерген» пунчалым пеҥгыдемден. Мом тиде пуа? Республикысе чоҥымаш министерствын экономике политике да илыме фондым капитально олмыктымо пӧлкажым вуйлатыше Татьяна Смурован мутшо почеш республикысе стандарт калыклан коммунал полышлан субсидийым шотлымо годым кучылталтеш Стандартын кугытшо деч субсидийын кугытшо шога. Тиде пунчал коммунал полышлан акым шотлымо да квитанцийыште тӱлышаш ак кугытлан нимогай вашталтышым ок ыште. Мутлан, социал полыш да паша министрын алмаштышыже Эдуард Загрутдиновын умылтарымыже почеш, 13 тӱжемат 618 теҥге парышым налше шуко пачеран пӧртыштӧ илыше шкет пенсионер ончычсо 4 тӱжемат 355 теҥге стандарт дене ырыктыме жапыште субсидийым кок тӱжемат 993 теҥгем налын кертын. У Пунчал почеш стандарт 413 теҥгелан ешаралтын да ныл тӱжемат 769 теҥге лийын. Тыгеже пунчалын вийым налмекыже тиде пенсионерын субсидийже кум тӱжемат 407 теҥге лиеш. Вес семынже субсидийже 413 теҥгелан кугемеш. Но тиде Йошкар-Оласе ончымо пример чыла муниципалитетлан келшен ок тол. Тудо кажне муниципал образованийыште илыме фондын благоустройство кугытшо деч шога.
               Фото: источник photogenica, автор NewAfrica

Прошлые выпуски