Марий Элыште экономика утыр вияҥ толеш да калыкын йодышыжо икшырымын виктаралтеш

            Марий Элыште экономика утыр вияҥ толеш да калыкын йодышыжо икшырымын виктаралтеш. Кодшо арня мучашыште Марий Элым вуйлатыше Юл кундем округышто Россий Президентын полномочный предствавительже пеленысе Советын заседанийыштыже лийын. Погынымашыже граждан- влакын мэр кӱлешан йодышышытым виктарыме кӱшеш социал шӱлышым кушташ кучем орган- влакын пашаштлан пӧлеклалтын.
            Марий Элым вуйлатыше Юрий Зайцев  экономикын ончыл отрасльже- влакым вияҥдаш, калыкын пӱсын шогышо йодышлажым виктарен колтымылан кугу тӱткышым ойыра. Тудо ӱшана: касвел эллан санкций дене темдымым, геополитик обстановкын тыглай ойгыл улмыжым ончыде Правительствын задачыже- регионышто ласкалыкым арален кодымаш. Кызытсе жапыште ик тӱҥ корнылан мобилизоватлыме еҥ- влакым да нунын ешыштым поддержатлымаш. Республикыште социал полышын тӱрлӧ корныжым ямдылыме. Тидын шотышто Марий Эл Юл кундем округышто визымше верым айла.
           Тиддеч посна республикыште калыкле проект- влак, индивидуал программе  умбакыже шыҥдаралтыт. Мутлан, индивидуал программым шыҥдараш тӱналме годсек 600 у паша верым ыштыме, Звенигово, Медведево да Советский районлаште вӱдым ситарыме кум объектым да вӱдым йоктарен колтымо кок объектым пашаш колтымо, Йошкар-Оласе у микрорайонлаште инженер инфраструктурын кок объектшым, Автовокзалым ыштыме, 98 коммунал техникым налме.
            2022-шо ийыште фронтальный стратегийым шыҥдараш тӱҥалме. Туло куд прорывной проектым ушен шога. Тиде тыгай проект- влак улыт: Йошкар-Ола агломерацийым писын вияҥдыме «Рӱдӧ олан Европо имджше», «Российысе радиоэлектронике кластер», «Юлышто этнотуризм рӱдер», республикысе кок районыш да Киров областьысе шым районыш газым пуртымо шотышто «Газ чылалан» проект, «Марий Эл - ару вӱд,  ару эҥер- влак»- йӱшаш вӱдым саемдыме шотышто да тазалыкаралтышын кум объектшым чоҥымо шотышто «Кызытсе медицина» проект- влак. Юрий Зайцев ик гана веле огыл ушештара: Республикыште социал ласкалыкым ышташлан калык ден кучем орган коклаште сай вашкыл лийшаш, социал вотлаште комментарий- влакым эскерен шогыман, проблеман йодышым рашемдыман да тудым виктарен колтыман.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски