Республикысе корнылаште лийше кок ДТП-ште 4 еҥ ӱмыр лугыч лийын

             Эртыше каныш кечылаште республикысе корнылаште лийше кок ДТП-ште  4 еҥ ӱмыр лугыч лийын, вич еҥ эмганен. Икымше аварийже шуматкечын 17 шагат гутлаште Шернур трактын 8-ше меҥгыштыже лийын.  Индешымше Лада ден Хёнде ваш тӱкненыт. Тыгодым Ладан водительже ден ӱдырамаш пассажирже верыштак коленыт. Кокымшо ДТП рушарнян эрдене Куженер районышто лийын. Тиде корнынак 78-ше меҥгыштыже 8 шагатат 20 минутышто КИА машинан 36 ияш водительже ваштареш корныш кудал лектын да Лада Гранта дене тӱкнен. Тыгак Ладан водитель ден пассажиркыже верыштак илыш дене чеверласеныт. Иномаркын тӱрлӧ семын эмганыше водительже, пассажирже да кок йочам эмлыме верыш наҥгайыме.
           Фото: МВД-н Марий Элысе ГИБДД виктемже.

Прошлые выпуски