Марий Элыште эн шуко вуйшиймаш пурыман корно- влакым олмыкташ тӱҥалыт
Марий Элыште эн шуко вуйшиймаш пурыман корно- влакым олмыкташ тӱҥалыт. Кодшо ийын корно дене кылдалтше увертарымаш- влак кум тӱжемат 800-ым эртеныт. Сандене «Качестван лӱдыкшыдымӧ корно» калыкле проект кышкарыште олмыктышаш спискым ыштыме годым эн шуко коштман урем да социал кӱлешан объектла деке намийыше корно деч посна эн шуко вуйшиймашым погышо корно- влакым пуртат. Нунын кокла гыч иктыже- 25 меҥге кужытан «Шернур- У Торъял» корно. Тудым шошым ышташ тӱҥалыт. Олмыктымо пашашке мо пура, тудым чыла ышташ палемдыме. Тыгак «Ургаш-Роҥго- Морко» корным пеш вурсеныт. Тудын 8-ше гыч 16-шо меҥгыже марте олмыкташ ойпидышым кылденыт. Кодшо ийын 25-ше гыч 55-ше меҥге марте ужашыжым тӧрлымӧ. Пужен ыштымашым йодшо тиде корнын эше кок ужашыже кодеш.
