Марий Элыште игече трук чот вашталте

Марий Элыште игече трук чот вашталте
         Республикыштына энергетик- влак утларак ямде улмо режимыш кусненыт. Таче республикыште лум чот лумын,  мардежын пислыкше секундышто  17 метр марте талышнен. Оперативно экшыкым кораҥдаш «Мариэнергон» 64 бригадыже ямде: 216 специалист да 97 единице технике. Посна контрольышто социал кӱлешан объект да инфраструктура объект- влак улыт. Кӱлеш лийме годым нунылан электроэенергийым ситараш 17 резерв источникым ямдылыме. Филиалыште оперативный штаб пашам ышта. Метеообстановкым чарныде эскерен шогат. Энергетик- влак шиижтарат: кӱрылтшӧ электровоштырым ужында гын, тушко лишемаш ок кӱл, вигак энергокомпанийыш але МЧС-ыш йыҥгырташ кӱлеш. Телефонжо: 8 800 220 02 20. Кӱчык номерже- 220. Сутка мучко пашам ышта, оксам тӱлаш ок кӱл.
         Йошкар-Олаште таче лум возын кылмыктымылан да корно ияҥмылан кӧра автобус ден троллейбус- влак Лебедев уерм дене кӱшкыла кӱзен огыт керт. Сандене жаплан 7-ше П ден 8-ше номеран троллейбус- влак да 4-ше П ден 24-ше П автобус маршрут- влакын коштмо схемыштым вашталтыме ыле. Адакшым тиде амал денак «Лебедев» чарналтыш пунктышто жаплан транспортлан шогалаш чарыме.
            Тыге республикыштына уэш лум возо. Пытартыш гана тыгай игече 2017-ше ийыште лийын. Тиде арнян республикыште йӱштӧ лиеш, термометр минусым ончыкта. Тыгай луман апрель индеш ий ончыч лийын. Тидыжат оҥай: 2017-ше ийыште лум тыгак 19-ше гыч 20-шо апрельыш йӱдым возын. Эрлан йӱдвел мардеж аралалт кодеш Термометр 0 градус тураште лиеш, лум лумеш,- увертара Гисметео. Вӱргече гыч кугарня марте температура плюсыш куснаш тӱҥалеш. Арня мучашлан температура уэш 11 градус марте шокшыш пӧртылшаш.
             Тыгай игечылан кӧра- йӱкшемден, луман поран ӱштеш-  Рӱдӧ олаштына таче тӱҥалтыш класслаште тунемше- влак школыш каен огытыл икымше гыч 4-ше класс марте оласе тунемше- влакым дистанций гыч тунеммашке кусарыме.
              Фото: МариМедиа.

Прошлые выпуски