Марий Элыште илыше еҥ аферист- влакын счётышкышт 6 миллион утла теҥге оксам кусарен
Марий Элыште илыше еҥ аферист- влакын счётышкышт 6 миллион утла теҥге оксам кусарен. Ондалкалыме шотышто полицийыш Йошкар-Ола гыч 38 ияш еҥ йодмашым возен. Тудын мутшо почеш йыҥгыртыше еҥ банкын лӱдыкшыдымылык шотышто службын пашаеҥже улам манын да пӧръеҥын персональный данныйжым шолыштмо да тудын лӱмеш кредитым возымо манын. Тиддеч вара йодмашым возышо еҥ шкенжын мобильный приложенийыштыже кугу аклан кредит нерген увер улмым ужын. Варарак палыдыме еҥ уэш йыҥгыртен да следователь улам, тендан данныйда дене ондалкалыше- влак пайдаланеныт манын. Оксам ынышт нал манын, чыла финанс консультантын инструкцийже почеш ышташ кӱштен. Тыге ондалкалышын ойлымыжо почеш пӧръеҥ кок кредитым возыктен да аферист- влаклан 6 миллион теҥгем кусарен. Уголовный пашам тарватыме.
