Марий Элыште «Шочмо кундемем- чон пӱрымашем» краеведений конкурсым увертарыме
Марий Элыште «Шочмо кундемем- чон пӱрымашем/ Туан мӱландем- йанг шипкаэм» краеведений конкурсым увертарыме. Тудо «Васильев лӱмеш МарНИИЯЛИ» ямдылен да Российыште шанче ден технологийын лу ияшыжлан да Туныктышо ден наставникын идалыкшылан пӧлекталтеш. Конкурсыш Марий Элысе да марий – влакын тӱшкан илыме кундемла – Башкортостан, Татарстан, Удмурт республикыла, Киров, Свердловск, Угарман областьла, Пермь крайысе да моло вере школышто тунемше ден студент-влак ушнен кертыт. Конкурс кум номинаций дене эрта: «Шочмо вер эн чевер/ Туан сандалык сек цевер» (реферат, кычал шымлыме паша); «Йӧратыме вер-шӧр да калык ойпого/ Яратымы сандалык да халык творчество» (реферат, легенда,преданий, тыглай каласкалымаш, сем фольклорым кычал шымлыме паша); «Нунын дене кугешнена/ Ныны доно когоэшнена» (реферат, шочмо кундемым шке пашашт дене чапландарыше еҥ- влак нерген кычал шымлыме паша).Конкурсыш историй, топонимике, каласкален толмо калык усталык, лӱмлӧ еҥ- влакын илыш ден пашашт нерген паша- влак налалтыт. Конкурсыш йодмашым 2023-шо ий 15-ше ноябрь марте колташ лиеш.
