Марий Элыште миноискательым ыштат
Марий Элыште ыштыме миноискательым Специальный сарзе операций кундемыште кучылтыт, - увертара олан администрацийже. Миным кычалше тактик оборудований сапёр- влак дене кылым кучымылан кӧра эре уэм толеш. Тыге оборона министерствын, миным кораҥдыше специальный службын да МЧС-ын заказышт шукталтеш. Кызытсе жап марте Марий Эл гыч 300 утла приборым колтымо. Нуным илыме кундемлаште да сӧй пасуштат кучылтыт. Приборым умбакыже уэмден да луктын шогат.
