Россий Геройжо Владимир Шарпатов Марий Элым вуйлатышылан «За волю к жизни» медальым кучыктен
Россий Федерацийын Геройжо Владимир Шарпатов Марий Элым вуйлатышылан «За волю к жизни» медальым кучыктен. Юрий Зайцев совет да россий лётчик, отставкысе подполковник, Российын Геройжо Владимир Шарпатов дене вашлийын. Владимир Шарпатов 1996-шо ийыште Кандагар гыч геройлын утлен чоҥештыше Ил-76 экипажын командирже лийын. Тудо Звенигово районысо Красногорский посёлкышто шочын. Кызыт Тюменьыште ила. Ик рейс годым тудо шке командыже дене талиб- влак деке пленыш логалын. Тушто ик талукат 13 кече кучалтыныт, патырлык да луддымылыклан кӧра нуно самолет дене шолып чоҥештен каен кертыныт. Нунын подвигыштлан «Кандагар» фильм пӧлеклалтын. Владимир Шарпатовын мутшо почеш, тудо шочмо кундемыш-Марий Элыш толаш пеш йӧрата. Легендарный лётчик Юрий Зайцевлан шке возымо почеламут- влак сборникшым да Кандагар гыч шылмылан 25 ий теммылан лукмо «За волю к жизни» лӱмгече медальым кучыктен. Тудын лӱмжым Красногорскысо икымше номеран школлан пуымо. Ончыкылык герой лач тушто шинчымашым поген.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
