Республике телымсе йӱштӧ- влакым эрташ ямде

            Республике телымсе йӱштӧ- влакым эрташ ямде. Марий Элым вуйлатыше Юрий Зайцев экологий, технологий да атом надзор шотышто федерал службын Юл кундемысе виктемжын аппаратшын территориальный органжым вуйлатыше Азат Мубаракшин дене пашаче вашлиймашым эртарен. Мутланымаште нуно республикын промышленный лӱдыкшыдымлыкшын могай улмыжо да теле жаплан ямдылалтме йодышым онченыт. Кызыт республикыште Юл кундем виктемын надзорыштыжо 934 лӱдыкшӧ производство объект уло. Тенийсе 9 тылзе жапыште эскерыме организацийлаште аварий ден эҥгекым регистрироватлыме огыл, кодшо ийынат лийын огыл. Теле жаплан чылажымат шке жапыштыже ямдылыме. Котельныйлаште 275 котлоагрегатым капитально олмыктымо але вашталтыме, кум котельныйым пӱртӱс газыш кусарыме. Аварий ситуацийым кораҥдаш резерв фонд гыч 80 миллион теҥгем ойырымо. Автоном резерв источник- влак чылан пашам ыштыше улыт, йӱлышӧ да шӱрымӧ материалым ситарыме, аварийым кораҥдыше бригаде- влакым чумырымо. Чыла муниципал районышто олтымо тургым штат режим дене пашам ышта.
             Фото: Марий Элым вуйлатышын организаций да аналитик виктемже.

Прошлые выпуски