Марий Элыште социал тӧнеж- влакым модернизироватлаш тӱналыт

Марий Элыште социал тӧнеж- влакым модернизироватлаш тӱналыт
                Марий Элыште социал тӧнеж- влакым модернизироватлаш тӱналыт. Республикын правительствыже калыкым социал обслуживатлыме аланыште йӧнан условийым ыштыме шотышто пашам радамлын шукта. Республикысе правительствын заседанийыштыже паша да калыкым социал аралыме отрасльым модернизироватлыме темым каҥашеныт. Паша да социал аралтыш министрын алмаштышыже Эдуард Загрутдинов ушештарен: 2023-шо 2024-ше ийлаште Йошкар-Олаште илалше да инвалид- влаклан «Пӱнчер» пӧрт- интернатын зданийжым пужен ыштыме. Тидыжым «Демографий» калыкле проектын «Кугурак тукым» федерал проектшылан кӧра ыштен кертме. 2025-ше- 2026-шо ийлаште Шоя-Кузнецово интернат-пӧртын пищеблокшым да «Таир» пӧрт- интернатын медицина корпусшым пужен ышташ палемдыме. Идалык мучаш марте «Таир» пӧрт- интернатын котельныйжым да ийготыш шудымо- влаклан «Журавушка» социал-реабилитаций рӱдерым газыш кусарыме лиеш. Тиде пашалан 47 миллион теҥге ойыралтеш. Заседанийыште ончымо эше ик йодыш яра юрист полышым пуымо да регионышто право дене шинчымашым пуымо дене кылдалтын. Кӧргӧ политике, верысе самоуправленийым вияҥдыме да юстиций министр Антон Мирбадалев каласен: республикысе калык яра юрист полышым кугыжаныш юридический бюрошто мер-политик рӱдерыште, «Ачамландым аралыше- влак» филиалыште, «Юрмобиль» лектын коштмо годым район ден олалаште налын кертеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски