Марий Элыште утларак ямде улмо режимым уэш умбакыже шуйымо
Марий Элыште утларак ямде улмо режимым уэш умбакыже шуйымо. Марий Элым вуйлатыше Александр Евстифеев таче тидын шотышто указым пеҥгыдемден. Документ дене келшышын, утларак ямде улмо режим 27-ше сентябрь марте шуялтеш. Ончычсо семынак зданийлашке пурымо, тӱшка транспорт дене коштмо годым маскым обязательно чиен коштман. Эртыше суткаште республикыштына эше 17 еҥын короавирус чержым пеҥгыдемдыме. Тыге черланыше- влакын тӱшка чотышт ныл тӱжемат 326 еҥыш шуын. Суткаште 7 еҥ эмлалт лектын, ойган статистике ешаралтын огыл.
