Начар тазалык спортлан чаракым огеш ыште

Начар тазалык спортлан чаракым огеш ыште

 

Марий Элым вуйлатыше Юрий Зайцев Марий Элысе «Сильные духом» паралемпийский сборный дене вашлийын. Кеҥеж мучаште тудын участникше-влак Угарман кундемыш «Элым аралыше-влакын кубокыштыжо» таҥасеныт да 5 медаль дене пӧртылыныт. СВО-н ветеранже-влак таҥасымашке миен коштмышт, могай ак дене сеҥымаш пуалтын каласкаленыт. Юрий Зайцев палемден: кугыжанышнан национальный интересшым аралыше-влаклан полышым чыла велымат пуыман: социальный адаптацийыште, спортышто, илыш-сомыл йодышышто. «Защитники Отечества» фондын регионысо филиалжым вуйлатыше Ренан Магсумов «спортыш толшо инвалидностян рвезе-влак уло тӱнялан виян улмыштым ончыктат» манын каласен.

Ешарыман: мемнан паралемпиец-влак Юл кундем федерал округысо таҥасымаште отборочный этапым эртеныт да шушаш ийын Сочишке таҥасымашке каят.

Прошлые выпуски