Самырык-влак проектым возат
Йошкар-Олаште Самырык-влакын всероссийский проект конкурсыштым иктешленыт. Конкурсым Национальность-влакын пашашт шотышто федерал агентстве эртарен. Иктешлымашым рӱдолаштына эртыше Финн-угор форумышто ыштеныт. Чылаже 38 проект лийын. Нуным тӱрлӧ номинацийыште акленыт. «Тӱвыра да этнотуризм» виктыш дене икымше верыш Йошкар-Ола гыч Максим Алгайкин лектын. «Туныктымаш, йылме-влак да литератур» номинацийыште Коми гыч Татьяна Селезнева, мадиа аланыште Удмуртий гыч «Куара» ресурс рӱдер икымше лийыныт. Марий Эл гыч сеҥыше-влак коклашке тыгак «Чонволгалтыш» сылнымут семинар-лабораторий проект дене Виктория Матвеев лектын. Призан верла дене шке проектышт дене Константин Суслов ден Денис Шаблий палемдалтыныт.
Конкурс финн-угор калык-влакын йылмыштым, тӱвыра ден йӱлаштым аралаш да вияҥдаш виктаралтын.
